Қарқаралы аудандық «Құнанбай қажы» мешітінің имамы Митератбек Орынбекұлы ҚМДБ-ның «Дін мен дәстүр» бағыты аясында «Ас беру мәдениеті» тақырыбында уағыз-насихат жүргізді.

Насихат барысында имам құдайы ас берудің мәні мен маңызына тоқталып, марқұмдарды еске алу кезінде ысырапшылдыққа жол бермеу, қарапайымдылықты сақтау және шариғат талаптарына сай амал етудің маңыздылығын түсіндірді.

Сондай-ақ ас беру рәсімін бәсекеге айналдырмай, әр отбасының материалдық жағдайына қарай ұйымдастыру қажеттігін атап өтті. Құдайы астың негізгі мақсаты – марқұмдарға Құран бағыштап, дұға жасау, ағайын-туыстың басын қосып, өзара бірлік пен бауырмалдықты нығайту екені айтылды.

Митератбек Орынбекұлы қазақ халқының ас беру дәстүріндегі ізгі құндылықтарды сақтай отырып, орынсыз шығын мен даңғазалықтан аулақ болуға шақырды.