Қарағанды облысына қарасты Абай аудандық орталық мешітінде қасиетті жұма намазына келген жамағатқа мешіт имамы Асхат Қанайұлы «Кісінің ақысын жеу үлкен күнә» атты уағыз-насихат айтып, «Пәтуа сағатын» өткізді.

Әр апта ұйымдастырылып жатқан сұрақ-жауап шарасында мешітке жиналған жамағат дін мамандарынан отбасы және неке мәселесі, ақида және фиқһ  (құлшылық, неке және талақ, сауда-саттық) сынды маңызды сұрақтарға тұшымды жауап алуда. Айта кетейік бұл бастама облыс бойынша әр жұма сайын тұрақты түрде өткізіледі. Пәтуа сағаты туралы мешіттерде, әлеуметтік желілерінде қосымша хабарландыру айтылады.