Теміртауда рухани келісім күніне орай Бірінші президент мұражайында «Рухани келісім – татулық негізі» тақырыбында конференция өтті. 

Аталған Конференцияға Теміртау қаласының әкімдігі, әртүрлі дін өкілдері, қоғам қайраткерлері, зиялы қауымдар қатысты. 

Алқалы жиынға ҚМДБ-ның Қарағанды облысына қарасты Теміртау қаласы «Әлихан Бөкейхан» атындағы орталық мешіттің имамы Бейбіт Бақытжанұлы арнайы қатысып, уағыз-насихат айтты. 

Конференция барысында қоғамды ұлты мен дініне қарамастан біріктіруге, тұрақтылық пен келісімді сақтауға және одан әрі дамытуға бағытталған шара қатысушылары ұтымды пікірлері мен орамды ойларын ортаға салды.