Жалпы соңғы кездері  исламға  қызығушылық танытушылардың саны артуда. Бұған асыл дініміздің қадір қасиеттері мен  құндылықтарын  насихаттауда   аянбай еңбек етіп жатқан дін бауырларымыздың еңбегі орасан зор деп айтсақ , артық айтпаған болар едік.

Әрине,  басқа  діннің адамдарының  мешітке келіп, калима айтып, ислам дінін қабылдауы бірден- бір  дәлел болса керек-ті. Сондай  шара  Балқаш қалалық мешітінде де көрініс тапты. Бесін намазынан кейін келген орыс баласы өзінің Исламға деген қызығушылығын айтып, дін қабылдағысы келетінін жеткізді. Ықыласты  келген  қонақты мешітіміздің найб имамы Валиев Ахмадулла жылы қабылдап, оған калима айтқызып, дініміздің асыл құндылықтарын айтып, қолына  ислам діні жайлы кітапша ұсынды.