Қазақ халқының айтулы наурыз мейрамы қарасаңында игі шара жүзеге асты. Атап айтқанда Қарағанды облысының Денсаулық сақтау басқармасының "Облыстық фтизиопульмонология орталығы" ШЖҚ КМК мекемесі берекелі мейрамның карсаңында құрбандық шалынып, өмірден өткен әріптестеріне құран бағышталды.

Шараға Әлихан Бөкейхан ауданын «Төлеутай ата” мешітінің дін қызметкері Азамат имам қатысып, уағыз - насихат айтты. Берекелі бас қосу барысында ел мен ұлт саулығы үшін аянбай еңбек етіп жүрген ақ халатты абзал жандарға алғыс айтылды. Келелі кездесу «Дін мен дәстүр» тақырыбы аясында өткен насихатпен жалғасын тапты.