Қазақтың ұлылығы мен даналығын бүкіл әлемге паш ететін мәдениеті мен салт-дәстүрі болса, соның ең бастысы ұлттық спорт ойындары екені даусыз. Қарағанды облысына қарасты «Бұқар жырау» ауданы «Жыржыс қажы» мешітінің ұйымдастыруымен жастар арасында қазақтың ұлттық ойыны көпар ойнатылды. «Дін мен дәстүр» аясында өткен шара барысында аудан имамы Акошев Рүстем Мұратұлы жастарға «Ихсан ілімі» бағыты насихаттап, уағыз-насихат айтып, туындаған бірнеше сұрақтарға жауап берді. Қасиетті Рамазан айының соңғы он күндігінде ұйымдастырылған игі шара  ата-дәстүр салтымызды қайта жаңғыртқандай. Көкпар – бұл қазақтың ұлттық ойыны, төл мұрасы, ойынның ең мықтысы. Бұған жүректі жігіттер ғана қатысқан.  Көкпар – ата-бабаларымыздың асыл аманаты. Ол біз барда бізбен бірге мәңгі жасасып, бірге дамып отырады.