«Жас толқын – дала семинары» тақырыбы аясында Қарағанды қалалық «Қазыбек би» мешітінің ұстазы Оразалы Ноянұлы мешіт шәкірттеріне арналған арнайы танымдық әрі тәрбиелік шара ұйымдастырды.

Шара барысында шәкірттер таза ауада түрлі спорттық ойындарға қатысып, футбол ойнады. Сонымен қатар домбыра үйреніп, ұлттық өнердің құндылығымен танысты. Бағдарлама аясында рухани-танымдық дәріс өткізіліп, жастарға имандылық, адамгершілік және ұлттық құндылықтар жайында насихат айтылды.

Іс-шараның негізгі мақсаты – жас буынды салауатты өмір салтына баулу, олардың бос уақытын тиімді ұйымдастыру, рухани және ұлттық тәрбиені ұштастыру болды.

Осындай игі бастамалар жастардың жан-жақты дамуына ықпал етіп, олардың бойында отансүйгіштік пен жауапкершілік қасиеттерін қалыптастыруға септігін тигізеді