Шет ауданына қарасты Сәкен Сейфуллин кенті “Күмісбек молда” мешітінің имамы Қабылақат Амангелдінің ұйымдастыруымен “Өткенге құрмет – тіріге міндет” тақырыбы аясында зират басында тазалық жұмыстары жүргізілді.

Шара барысында зират аумағы қоқыстан тазартылып, айналасы ретке келтірілді. Бұл игі бастама – ата-баба рухына деген құрметтің және қоғамдағы рухани құндылықтарды дәріптеудің айқын көрінісі.

Жергілікті тұрғындар мен жамағат белсенділік танытып, сауапты іске өз үлестерін қосты.