Ұлыстың ұлы күні наурыз мерекесі қарсаңында ҚМДБ-ның Қарағанды облысы бойынша «Уақып» қайырымдылық қорының ұйымдастыруымен игі шара болып өтті. Айтулы мерекені сауапты іспен бастамаққа ниет еткен «Уақып» қорының аймақ бойынша жауапты өкілі Бакдаулет Қыдырбайұлы шара барысында көмекке мұқтаж он отбасыға арнайы ат басын бұрып, мерекелік қоржын үлестірді. Осындай игі істі жүзеге асыруға мұрындық болған дін қызметкерлері алғысқа бөленіп, қариялардың ризашылығы мен батасын алды.