Қарағанды облысына қарасты Абай ауданы орталық мешіті имамы Аманбол қажы  Рымқұлұлы ауданға қарасты ауыл- аймақты аралап қайтты. Қызметтік сапар барысында «Сарепті» ауылына ат басын бұрып, аймақтағы аяқталып қалған мешіттің құрылысымен және тыныс- тіршілігімен танысты. Аудан имамын ауыл имамы Арғын Дәуренбек күтіп алып, мешітте атқарылған жұмыстармен таныстырды. Дәуренбек имамның ұйымдастыруымен мешіттің сыртқы келбеті өзгерді күмбез ауыстыру шатырын қайта жабу фундаментін қайта көтеру жұмыстары жүргізілді. Су құбыры мен тоқ торабыда жанадан тартылды. От жағатын қосалқы орын салынды. Мешітке апталық пеш орнатылды. Өз кезегінде  аудан имамы осындай қыруар жұмыстарды қолға алып ойдағыдай аяқтаған ауыл имамына алғысын білдіріп, алдағы қызметіне сәттілік тіледі.