Қазақстан Мұсылмандары Діни Басқармасы Қарағанды облысының бас имамы Өмірзақ қажы Қазкенұлының тапсырмасымен облыс мешіттері арасында   кіші футболдан  ұйымдастырылған жарыс өз мәресіне жетті. 

Жарыс қорытындысы бойынша «Жаңаарқа» мешіті бас жүлдені өз қоржынында сақтап қалса, кезекті екінші орынды  «Жезқазған» мешіті жамағаттары алса, үшінші орынды «Теміртау» мешіті місе тұтты. Жүлделі төртінші орын «Балқаш» мешіті жане бесінші орын «Нұра» мешіті жамағатының қанжығасына бұйырды. Сайысқа қатысушы жамағатты марапаттау рәсімінде  ҚМДБ-ның Қарағанды облысы бойынша бас имамы Өмірзақ қажы Қазкенұлы арнайы қатысып, Өзінің құттықтауы мен ізгі тілегін жеткізіп, жүлделі сыйлықтар мен  мақтау қағаздарын табыстады.