Өткенін ұмытпай, бабалар рухына тағзым ету бүгінгі ер мен елдің міндеті. Қазақ үшін жанын беруге даяр тұрған, Алаш тұтастығын, діні мен салтына адал болған, шейіт болған, жазықсыз әрі кінәсіз құрбандарды еске алу мақсатында Қарағанды облысы имамдары Долинка кентінің саяси қуғын-сүргін құрбандарын еске алу мұражайына арнайы атбасын бұрды. Шара барысында имамдар тауқыметі мол, сонау нәубет жылдардың тарихымен танысты. Алаш ардақтыларының рухына арнап Құран оқылды.