ҚМДБ-ның Қарағанды облыстық «Әнет баба» мешітінің жанындағы бір айға жалғасқан жазғы сауат ашу дәрісі өз мәресіне жетті. Отыз күн оқу ізденіп, Асыл дініміздің білім нәрімен сусындаған жас шәкірттер мұнда ұстаздардан тәлім алып, Құранның қысқа сүрелерін жаттап, дұға оқуды үйреніп, Алла елшісіне  (с.а.с) салауаттар жолдады. Бүгін Қарағанды облыстық «Әнет баба» мешітінде бір ай дәріске қатысқан шәкірттерге ҚМДБ-ның Қарағанды облыстық «Әнет баба» мешітінің наиб имамы Қоныскеерй Хумар облыс бас имамы Өмірзақ қажы Қазкенұлының арнайы мадақтамасын табыстап, Өзінің өзек жарды лебізін білдірді. Шәкірттерге ілім алудың маңыздылығын насихаттады. Сондай-ақ, шәкірт оқытудағы ерен еңбектің дәмін татып жүрген мешіт ұстаздарына алғысын білдірді.

ҚМДБ-ның Қарағанды облысы бойынша баспасөз қызметі