Абай ауданына қарасты Қарабас кенті мешітінің имамы Шарифулла Шадиев Қазақстан Республикасының Ұлттық ұланының 6505 әскери бөлімінің сарбаздарымен кездесу өткізді.

Кездесу барысында имам жастар арасында өзекті мәселеге айналып отырған суицид тақырыбында уағыз-насихат жүргізіп, өмірдің құндылығы, сабырлық, қиындыққа төзімділік және дін тұрғысынан адам өміріне қол сұғудың ауыр күнә екені туралы кеңінен түсіндірді.

Сондай-ақ сарбаздарға өмірлік қиындықтар кезінде дұрыс шешім қабылдау, рухани беріктік таныту және үлкендермен, дін мамандарымен кеңесу қажеттілігі атап өтілді.

Іс-шараның негізгі мақсаты – әскери қызметшілердің рухани иммунитетін күшейту, теріс ойлардың алдын алу және адамгершілік құндылықтарды насихаттау болып табылады.