Бүгін ҚМДБ «Әйел қыздар» секторының Қарағанды облысы бойынша жауапты өкілі, әрі Қарағанды облыстық «Әнет баба» мешітінің ұстазы Бакирова Арай Серғалиқызы қызметтік іс-сапармен Жезқазған және Сәтбаев қаласына ат басын бұрды. Сапар барысында сектордың облыс бойынша жауаптысы Арай Серғалиқызы аталмыш аймақтың мешіттерінің ұстаздарымен кездесіп, арнайы жиын өткізді. Жиын барысында «Әйел-қыздар» секторының Жезқазған өңірі бойынша жауаты маманы ретінде Рахима Талипбекова тағайындалып, бөлімнің мақсаты мен қыр-сырларымен таныстырылды. Сондай-ақ, өңір ұстаздары бас қосқан жиында жат ағым және ҚМДБ-ның арнайы бекіткен жеті бағыты талқыланды. Жаңа жылға тың жобалар мен жоспарлар бекітіліп, мақсаттар алға қойылды.

ҚМДБ-ның Қарағанды облысы бойынша баспасөз қызметі