Қарағанды қалалық «Әл Машани» мешітінің имамы Сайлау Жұмағұлұлының ұйымдастыруымен мешіт ауласына тазалық жұмыстары жүргізіліп,  «Таза әлем» акциясы ұйымдастырылды.

«Тазалық – иманның тең жартысы» деген хадисті ту еткен мешіт қызметкерлері мен жамағат имандылық ордасының ажарын аша түсті. Жылдағы үрдіс бойынша Алла үйінің ауласындағы көгал түрлі қоқыстардан тазартылды.

Сенбілік жұмысына мешіт имамдарының ұйытқы болуымен шәкірттер қауымы мен мешіт жамағаты белсене ат салысты.

ҚМДБ-ның Қарағанды облысы бойынша баспасөз қызметі