Республика күніне орай Қазақстан Мұсылмандары Діни Басқармасының тапсырмасы аясында Абай аудандық орталық мешітінің ауласында абаттандыру жұмыстары болып өтті.

Шараға аймақ әкімі Сәбит Темешұлы және мешіт имамы Асхат Қанайұлы бастаған дін қызметкерлері, жергілікті жамағат пен аймақ халқы қатысып, құлшылық үйінің ауласына жеміс ағаштары мен талдар отырғызды.

Айта кетейік, аталмыш тал егу шарасы облысқа қарасты барлық елді-мекендердің мешіттерінде жалғасын таппақ.

ҚМДБ-ның Қарағанды облысы бойынша баспасөз қызметі