Қарағанды қалалық «Әл Машани» мешітінде «Дін мен дәстүр» аясында  мешіт жастарына рухани шара ұйымдастырылып, тарихи тұлғалардың өмірі дәріптелді.

Мешіт наиб имамы  Оралбай Әділбекұлының ұйымдастыруымен жүзеге асқан шара барысында  әл-Машани бабамыздың өнегелі өмірбаяны таныстырылып, елімізге сіңірген еңселі еңбектері мен ғылымға қосқан үлестері еске алынды. Әлемге мәшһүр Әл-Фараби, хакім Абай мұраларын зерттеген академик тұлғаның тәлімдік тұстарына шолу жасалды. Төл тарихымыздың салт-санамен сабақтасқан дәстүрлері де осы басқосуда кеңінен қамтылды.