
Арқалық қалалық «Мухтасиб Әлмұхаммед» мешітінде «Рамазан сыйы» атты қайырымдылық акциясы өтті. Аталмыш іс-шара жайлы мешіттің бас имамы Бектұрсын Уәлиев жан-жақты тоқталды. Ол: «Баршаңызға мәлім, Рамазан - бұл берекелі ай, қайырымдылық пен қамқорлық айы. Сондықтан осындай сауаптар еселенетін керемет маусымда көңілі жабырқаған мұқтаж жандарға жәрдем беру мақсатында ұйымдастырылып отырған игілікті іс. Мұндай сауапты іске кәсіпкер бауырларымыз демеушілік жасап отыр»,- деді.
Көпке үлгі боларлық игілікті шарада әлеуметтік жағынан аз қамтылған көпбалалы 30 отбасына қайырымдылық пакеттері таратылды. Мұндай қайырымдылық бастамалар өңіріміздің барлық аудандық, қалалық мешіттерінде жалғасын табады деген үміттеміз.
Пікірлер