
Қарағанды облыстық «Әнет баба» мешітінде наурыз айының 9-14 күндері аралығында облысқа қарасты ауылдық округтерінің имамдарына арналған семинар тренинг өтті. Аталмыш семинарды өткізудегі негізгі мақсат имамадардың алдағы аттестаттауға дайындығы, сондай-ақ дін қызметшілерінің жұмыс сапасын жақсарту, өзекті мәселелерді талдау және деструктивті ағымдармен күрес жұмыстарын дамыту мақсатында біліктілікті арттыру мәселелері талқыға салынды.
Сонымен қатар, 13 наурызда ауылдық діни қызметкерлер ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Департамент басшысы Жандос Сәрсеновпен және Қарағанды облысы конфессияаралық қатынастардың проблемаларын зерттеу және талдау орталығының басшысы Сектай Жанболат Ахуанұлымен кездесті. Өз кезегінде Қарағанды облысының өкіл имамы Өмірзақ Бекқожа сыбайлыс жемқорлыққа қатысты толық түсіндірме жұмыстарын жүргізгені үшін Жандос Сәрсеновке алғыс айтып, Ислам дініндегі парақорлықтың қаншалықты ауыр күнә екендігін атап өтті.
Сонымен қатар, жемқорлық арқылы табылған мал мүлікті пайдалануға Ислам дінінде қатаң тиым салынғандығын және көптеген хадистерде оның жазасы ауыр болатындығы айтылғанын жеткізді.
Пікірлер