ҚМДБ-ның Насихат және қоғаммен байланыс бөлімінің меңгеруішісі Алтынбек Ұтысханұлы жұмыс сапарымен Шығыс Қазақстан облысына келді.
ҚМДБ Өскемен аймағының өкіл имамы Ермек Қасболатұлы бөлім басшысына атқарылып жатқан шараларды баяндады. Бұдан соң А.Ұтысханұлы облыстық «Халифа Алтай» мешітінде 1 айлық білім жетілдіру курсында білім алып жатқан әйел-қыз шәкірттерімен сұхбаттасты.
Бөлім басшысы:
«Өңірлерді сауатты мамандармен қамту діни басқарманың басты бағыттарың бірі. Сіздерді Ұлы Жаратушы Алла Тағала қасиетті хақ дініміздің насихатшысы етіп бекер таңдаған жоқ, бұл бір бақыт, сондықтан осындай курс ашып, білім жетілдіріп жатқан Өскемен өкілдігінің бастамасы ең бір игілілгі мол сауапты іс» дей келе, одан ары білім алудың маңыздылығы мен қоғамдағы әйел тәрбиесінің ролі жайлы ғибрат айтты.
Бөлім басшысы сонымен қатар курсқа қатысушыларға білім беріп жатқан ұстаздармен кездесіп, оқу барысы жайлы пікір алмасып, шәкірттердің ас ішетін орны және жатақхана, кітапхананы аралап көрді.
Пікірлер