Түркістан облысында жаңа мешіт ашылды

СЕРІКБАЙ ҚАЖЫ ОРАЗ

1975 жылы 12-сәуірде дүниеге келген. Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...

көбірек

18 қазан, 2018 жыл 211 Басып шығару нұсқасы

Түркістан облысы, Ордабасы ауданына қарасты Шұбарсу елді мекенінде «Әсіпбай қажы» мешіті жаңадан бой көтерді. Мешіттің ашылуына Қазақстан мұсылмандары діни басқармасы төрағасының бірінші орынбасары, наиб мүфти, Түркістан облысы бойынша өкіл имам Наурызбай қажы Тағанұлы, аудан әкімінің орынбасары, ішкі саясат бөлімінің мамандары, ауданның ақсақалдары, ауданның бас имамы, облыстық мешіттің наиб имамдары, алыс-жақыннан келген ағайындар, ауыл азаматтары қатысты.

Ашылу салтанатын Ордабасы ауданындағы «Темірлан» мешітінің ұстазы Убайдулла қари Құран оқып, наиб мүфти Наурызбай қажы Тағанұлы дұға жасады.

Наиб мүфти Наурызбай қажы Тағанұлы құттықтау сөзінде:

«Бас мүфти Серікбай қажы Сатыбалдыұлы хазреттің ыстық сәлемін жеткізе отырып, мешіт – Алланың жердегі үйі, кімде-кім мешіт салатын болса, жәннаттан оған сарай салынады. Алла Тағала осы игілікті іске мұрындық болған барша азаматтарға разы болсын»,-деген ризашылығын жеткізді.

Арнайы сыйлық Құран кітабын «Әсіпбай қажы» мешітінің имамы Шыңғысқа табыс етті.

Ордабасы ауданының әкімінің орынбасары Аңсарбек Советұлы бұл қуаныш елге жақсылық әкелсін деген ыстық лебізін жеткізді.