Адамзаттың асылы Мұхаммед пайғамбарымыз ﷺ хадисінде: «Сендердің ең ізгілерің – Құранды үйреніп, оны өзгеге үйреткендерің», – деп өсиет еткен. Осы бір ұлағатты сөзді жүзеге асыру мақсатында Бөрлі аудандық мешітінде жамағаты арасында ауданаралық «Құран мәңгі мұғжиза» атты Құранды жатқа және мәнерлеп оқудан жарыс өтті.
Сайысқа облыстық орталық мешітінің бас имамы Еркебұлан Ыбырайымұлы, орталық мешіттің ұстазы Ринад Акимов, Бөрлі аудандық мешітінің бас имамы Қанат Қуанышбайұлы төрелік етті .
Білімдерін, имандарын арттыру, қасиетті Құранның қадір-қасиетін ұғындыру, шәкірттерді шыңдау мақсатында өткізілген жарыс тартымды да әсерлі өтті.
Қазылар шешімімен Нұрғазы Қыстаубаев (Теректі ауданы) І орын, Самат Гайнуллин (Тасқала ауданы) ІІ орын, Дильшат Садвакасов (Бөрлі ауданы) ІІІ орын иеленді. Шараға қатысушыларға бағалы сыйлықтар табысталды.
Соған қоса тағы екі белсенді қатысушыға Ислам Абдужалал (Бөрлі ауданы) мен Темирхан Марленовқа (Орал қаласы) ынталандыру сыйлықтары берілді.
Пікірлер