ҚМДБ-ға қарасты «Зекет» корпоративтік қоры Алматы қаласында түрлі қайырымдылық іс-шараларын ұйымдастырып келеді. Бүгінгі кезекте «Зекет» корпоративтік қорына келіп түскен өтініштер бойынша көмекке мұқтаж 30 отбасы азық-түлік және көкөністермен қамтамасыз етілді.

Түркісіб ауданына қарасты базардағы қайырымды жандармен бірге «Зекет» қоры әлеуметтік жағдайы төмен жанұяларға азық-түлік таратып, қордан жәрдем сұраған жандардың ыстық ықыласына бөленді.

Сондай-ақ, ҚМДБ-ға қарасты «Зекет» қорына әрдайым қолдау көрсетіп, үлес қосып жүрген қайырымды жандарға алғыс білдіреміз.