Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
БАС МҮФТИ КАИРДЕ ҚАМҚОРШЫЛАР КЕҢЕСІНЕ ҚАТЫСТЫ (ФОТО)
10 қыркүйек, 2018 жыл 137 Басып шығару нұсқасы

Египет Араб Республикасы (ЕАР) астанасы Каирде Нұр Мүбәрак университеті жанындағы Қамқорлар кеңесінің кезекті жиналысы өтті.

Алқалы жиынға Қазақстан Республикасы Қоғамдық даму министрі Дархан Кәлетаев, Қазақстан мұсылмандары діни басқармасының төрағасы, Бас мүфти Серікбай қажы Ораз, университет проректоры, профессор Шамшәдин Керім, Әбу Ханифа ғылыми зерттеу орталығының директоры, PhD докторы Қайрат Құрманбаев, сондай-ақ Мысыр тарапынан Уақыфтар министрі, доктор Мұхаммед Мұхтар Жұма, әл-Азһар шейхы, Нұр Мүбәрак университетінің ректоры, профессор Жуда Басюни, т.б. Қамқорлар кеңесінің құрамы қатысты.

Басқосуда Нұр Мәбарак университетінің бүгіні мен болашағы, кадрлық әлеуеті, діни маман дайындаудағы қызметі, оқу бағдарламасындағы жаңа бастамалар, т.б. мәселелер жан-жақты қаралды.

Бас мүфти Мысырға жасаған ресми сапары аясында ЕАР Уақыфтар министрі, доктор Мұхаммед Мұхтар Жұма мырзамен жүздесті. Кездесуде екі елдің діни, рухани, мәдени, білім саласы бойынша байланысы сөз болды. Сонымен қатар,  мүфти мен министр Қазақстан мұсылмандары діни басқармасы мен әл-Азһар университеті арасында қабылданған меморандум аясында жүзеге асып жатқан жобаларды талқылады. Оның ішінде ҚМДБ ұсынған шәкірттерді Мысырдың іргелі оқу орындарындағы біліктілікті арттыру курстарынан ұдайы өткізіп тұру мәселесі пысықталды.

Пікірлер

Поле не должно быть пустым!
Комментарий отправлен на модерацию.
    Жоғары