
Талдықорған қаласының «Жас Отан» жастар қанаты және Талдықорған өңірі, орталық «Иман» мешітінің жастар секторы бірлесе отырып, Алматы облысының жастар ресурстық орталығының коворкинг залында "Адамгершілік - рухани тәрбиенің мәйегі" атты тақырыпта жастармен кездесу өткізді. Кездесудің негізгі бағыты жастар болды. Қазақ жастарының мақсаты білім алып, өмір сүру деңгейін арттыру, экономиканы дамытып, азаматтық қоғамды қалыптастыру, рухани ұлт тәрбиелеу және қоғамға пайдалы нәрсемен айналысу. Десекте, осы тұрғыда діннен алшақтамай, осының барлығын дінмен ұштастыра білу жолдарын тілге тиек еткен Талдықорған өңірі бойынша орталық «Иман» мешітінің наиб имамы Шынарбек Өкен ұстазымыздың айтары көп болды. «Ақыл», «Қайрат»,«Жүрек» үшеуі біріксе рухани бұғаудан босап, кемелді болашаққа бастар жастар жолының айшықталатынын да алға тартты. Аталмыш шарада жастар тәрбиесінің маңыздылығы жайында көптеген сұрақтар қойылып, өзекті мәселелер орта салынды. Берері мен алары көп болған ашық әңгіме алаңында жауапсыз қалған сұрақ болмады.
Пікірлер