Талдықорған өңірі «Жастар ісі» секторының ұйтқы болуымен өкіл имам Ардақ Нүсіпханұлы Гуманитарлық-техникалық колледжінің белсенді жастарымен кездесті. Рухани кездесуде «Дін, дәстүр, мәдениет – ортақ құндылығымыз» тақырыбында насихат айтты.
«Егемен елімізді дүние жүзінің дамыған елдерімен теңестіріп, тұтқасын ұстайтын ұландарымыздың бағдаршамы – ұлттық рухани құндылық, ең негізгі ұстанымы Ислами ізгілік болғаны жөн. Олар халқымыздың қанындағы әдептілік, имандылық, мейірімділік, діндарлық, қайырымдылық, ізеттілік секілді құндылықтар мен асыл қасиеттерді ұлықтап, рухани азық еткені абзал», - деп сөз еткен өкіл имамның тағылымды насихаты жастарға ой салғандай.
Белсенділік танытқан жастар сұрақтар қойып, өздері де ойларын ортаға салды.