Шахтинск қалалық «Нұр» мешітінде Ораза айт мейрамының құрметіне орай қайырымдылық шарасы ұйымдастырылды.

Игі бастама аясында «Қазақ зағиптар қоғамы» өкілдеріне азық-түлік себеттері таратылып, ерекше қолдауға мұқтаж жандарға көмек көрсетілді.

Аталған шара мешіт имамы Әбілхайыр Кәсенұлының ұйымдастыруымен жүзеге асып, жалпы саны 15 отбасы қамтылды. Қасиетті Рамазан айының қорытындысы болған Ораза айт мерекесінде жасалған бұл игі іс – қоғамда мейірімділік пен жанашырлықты арттыруға бағытталған маңызды қадам.

Мешіт ұжымы мұндай қайырымдылық шаралары алдағы уақытта да өз жалғасын табатынын атап өтті. Сонымен қатар, ұйымдастырушылар барша жамағатты мұқтаж жандарға қолдау көрсетуге шақырды.