Қарағанды қалалық «Төлеутай ата» мешітінде ұстаз Фатима Аманболдықызының ұйымдастыруымен «Ислам және ұлттық дәстүр – адал қоғамның қос тірегі» атты уағыз-насихат өтті.

Шара барысында ұстаз ислам дінінің асыл құндылықтары мен халқымыздың ұлттық дәстүрлерінің сабақтастығы жайында кеңінен тоқталды. Сондай-ақ, адалдық, әділдік, сыйластық және имандылық сияқты қасиеттерді қоғамда қалыптастырудың маңызы түсіндірілді.

Уағызда ұлттық салт-дәстүрлердің ислам қағидаларымен үйлесім табуы, олардың адам тәрбиесіндегі орны мен мәні ерекше атап өтілді. Жиналған жамағат көкейлеріндегі сұрақтарына жауап алып, рухани тұрғыда әсерлі насихат тыңдады.