Бұқар Жырау мешітінде қайырымдылық шарасы ұйымдастырылып, әлеуметтік көмекке мұқтаж  он жеті отбасыға қаржылай көмек көрсетілді.

Мешіт имамы Орманбет Болатұлының бастамасымен өткен игі іс Рамазан айының құрметіне арналды. Қайырымдылықтың негізі саналатын бұл қасиетті айда көмекке мұқтаж жандарға қолдау көрсету мақсат етілді.

Шара аясында 15 мұқтаж жанға 70 000 теңгеден қаржылай көмек берілді. Сонымен қатар, ОИ “Әділет” мүгедектер қоғамынан келген нақты мұқтаж азаматтарға Рамазан сыйы ретінде қомақты қаржы үлестірілді.

Игі бастама барысында көмек алған жандар мешіт ұжымына және демеушілерге өз алғыстарын білдіріп, ұйымдастырушыларға ризашылықтарын жеткізді. Мұндай қайырымдылық шаралары қоғамдағы мейірім мен жанашырлықты арттырып, Рамазан айының рухани құндылығын айқындай түсті.