Қарағанды қалалық “Қазыбек би” мешітінің имамы Асылхан Нұртайұлының ұйымдастыруымен Ораза айт мейрамының құрметіне орай қазақтың ұлттық дәстүрі – көршілерді айттау шарасы өткізілді. Сонымен қатар, балаларға айттық үлестірілді.

Айт мерекесінің мән-маңызын дәріптеуді мақсат еткен бұл игі бастама аясында мешіт жамағаты көрші-қолаңды аралап, айт мерекесімен құттықтап, ақжарма тілектерін жеткізді. Бұл – халқымыздың ежелден келе жатқан бауырмалдық пен көршілік қарым-қатынасты нығайтатын дәстүрлерінің бірі.

Шара барысында жамағат мүшелері бір-біріне ізет көрсетіп, үлкендерден бата алып, ұлттық құндылықтарды жаңғыртуға үлес қосты. Көршілер арасында сыйластық пен татулықтың арта түсуіне сеп болған бұл бастама көпшілік тарапынан жылы қабылданды.

Осылайша, ұлық мейрам күндері тек құлшылықпен ғана шектелмей, ұлттық дәстүрлерді ұлықтау арқылы қоғамда бірлік пен мейірімділік нығая түсті.