Қарағанды қалалық «Төлеутай ата» мешітінде қасиетті Ораза айт мейрамының құрметіне орай ұлттық нақышта безендірілген қазақы киіз үй тігіліп, онда келген қауымға ақ дастарханнан дәм ұсынылды.

Жамағат бір-бірімен айт мерекесімен құттықтасып, ізгі тілектерін білдірді. Бұл күні үлкендер бата беріп, кішіге құрмет көрсетіліп, ұлттық дәстүрлер дәріптелді.

Мерекелік жиын барысында мешіт қызметкерлері мен еріктілер жамағатқа қызмет көрсетіп, мерекелік көңіл-күй сыйлады. Айттың басты мәні – бірлік пен мейірім, бауырмалдық пен жанашырлық екені тағы бір мәрте айқын көрініс тапты.

Осылайша, ұлық мейрам Қарағанды жұртшылығы үшін рухани әрі тағылымды шараға айналды.