Мешіт өміріне белсене атсалысып, діни дәрістерге тұрақты қатысып, тарауих намазын үзбей оқыған жамағатқа мешіт ұжымының атынан арнайы марапаттар мен ақшалай сыйлықтар берілді.

Бұл игі шара – жамағаттың мешітпен байланысын нығайтып, құлшылыққа деген ынтасын арттыруға бағытталған. Осындай сауапты істерде алда болып, дін жолында қызмет етіп жүрген жамағаттың еңбегі әрдайым жоғары бағаланады.

Рамазан айында жасалған әрбір амалдың сауабы еселеніп жазылатыны белгілі. Сондықтан мешіттің тіршілігіне үлес қосып, құлшылықты үздіксіз жалғастырып жүрген жандарға көрсетілген бұл құрмет – баршамызға үлгі.