Қарағанды қалалық «Бала қажы» мешітінде қасиетті Рамазан айының құрметіне орай ұстазы Фатима Аманболдықызының ұйымдастыруымен Құран хатым дұғасы жасалды. Жамағат Алланың сөзін бірлесе оқып, дұғаға қалды, жүректерін рухани азықпен байытты.

Дұға кезінде мешіт ұстазы пітір садақаның маңызы мен оның мұсылман өміріндегі орны туралы жан-жақты түсіндірді. Жамағатқа садақаның кедей-кепшіктерге көмек көрсетудің ғана емес, иман мен берекеттің де нышаны екені насихатталды.