Қарағанды қалалық «Әл Машани» мешітінде жамағат қол жайып, Аллаға дұға еткен сауапты сәттен соң Рамазан бойы тарауық намаздарында имамдыққа шығып, жамағатты әуезді үнімен Құран сөзіне сусындатқан қариға құрмет көрсетілді.

Алланың сөзін жаттаған  қариға «Әл Машани» мешітінің имамы Сайлау Жұмағұлұлы жамағат атынан ризашылық білдіріп, алғыс хатпен марапаттады. 

Сондай-ақ көпшіліктің ыстық ықыласына бөленген қариға ақсақалдың ақ батасы берілді.