Қарағанды облысы, Теміртау қаласының имамы Ақниет Сәлімбайұлының бастамасымен студент жастарға арналған ауызашар беру дәстүрі игі жалғасын табуда.

Қасиетті Рамазан айында ұйымдастырылып жатқан бұл қайырымдылық шарасының басты мақсаты – білім іздеп жүрген студент жастарға қолдау көрсетіп, олардың басын қосып, рухани орта қалыптастыру. Ауызашар дастарханы басында жиналған жастарға Рамазан айының қадір-қасиеті жайлы насихат айтылып, дұға жасалды.

Осындай игі бастамалар арқылы жамағат арасында бауырмалдық пен бірлік нығайып, жастардың дінге, рухани құндылықтарға деген қызығушылығы арта түсуде.