Қасиетті Рамазан айының ең маңызды түндерінің бірі – Қадір түні қарсаңында “Төле би” мешіті қайырымдылық шарасын ұйымдастырды. Игі шара аясында мұқтаж және көпбалалы отбасыларға азық-түлік таратылды.

Қайырымдылық шарасының басты мақсаты – қоғамдағы мұқтаж жандарға қолдау көрсету, Рамазан айында сауапты істерді көбейту және жамағат арасында мейірімділік пен жанашырлықты насихаттау.