ҚМДБ-ның Қарағанды облыстық «Әнет баба» мешітінде әз-Наурыз мерекесімен тұспа-тұс келген қасиетті Рамазан айының құрметіне орай жамағатқа наурыз көже үлестірілді.

Бір сапта тұрып тарауық намазында сәждеге маңдай тигізген жамағат құлшылықтарын аяқтағаннан кейін мешіт ауласында арнайы дайындалған наурыз көжеден дәм татты.

Ұлттық дәстүр мен рухани құндылықтар үндескен бұл шара жамағаттың бірлігін арттырып, бауырмалдық пен татулықтың үлгісін көрсетті. 

Бұл игі шара жамағаттың жүрегіне жылулық сыйлап, рухани мерекенің мәнін арттыра түсті.