Бүгін ҚМДБ-ның Қарағанды облысына қарасты Бұқар жырау ауданы, Доскей ауылында қасиетті жұма күні мешіттің жаңа имамы болып Тукитаев Ардақ Адильханович тағайындалды. Қызметке тағайындау рәсімін Қарағанды облыстық «Әнет баба» мешітінен арнайы келген облыс наиб имамы Хумар Коныскерей жүргізіп, жамағат пен ауыл тұрғындарына жаңа имамды таныстырды. Сондай ақ, қызметке кіріскелі жатқан маманға алдағы уақытта қызметте сәттілік пен береке тілеп, батасын берді. Айта кетейік, Ардақ Адильханович бұған дейін Қарағанды облысына қарасты Ақтоғай ауданының имамы қызметін бес жылдай нәтижелі де жемісті атқарып келді.
ҚМДБ-ның Қарағанды облысы бойынша баспасөз қызметі