Бүгін ҚМДБ-ның Қарағанды облысына қарасты Қаражал қаласында игілікті шара жүзеге асты. Берекелі іс облыс бас имамы Өмірзақ қажы Казкенұлының бастамасымен, «Зекет» қайырымдылық қорының жауапты өкілі Мұхит Джаримбетовтың тапсырмасымен жүзеге асты. Мұсылман күн тізбесі үшін қасиетті деп саналатын жұма күні орын алған шара «Жұма мейірімі» деп аталды. Қайырымдылық шараны ұйымдастырып басы қасында жүрген Қаражал қаласы мешітінің дін қызметкерлері көмекке мұқтаж отбасыларға азық түрік үлестіріп берді. «Қайырымдылық жасасаң қайырын өзің көресің” демекші, алдағы уақытта осындай берекелі бастамаларға бағытталған шараларды жүзеге асыру жоспарда.
ҚМДБ-ның Қарағанды облысы бойынша баспасөз қызметі