Тілдік нұсқа
Радио

Фото

Өкіл имам Қарағанды қаласының епископымен кездесіп, өзінің құттықтауын жеткізді (фото)
27 желтоқсан, 2018 жыл 200 Басып шығару нұсқасы

Татулық бар жерде береке жүреді. Біздің қоғам әрқашанда татулық және достық деген кезде жұдырық болып жұмылып, ынтымақ бірлігі жарасып келген. Осы ретте достық, мейірбандылық, ізгілік, ынтымақтастық сынды ізгі қасиеттерді ұлықтауда «Біз – бір елміз, біртұтас халықпыз» деуге әбден негіз бар. Ислам діні қандай тамаша болса, оның мақсаттары да тамаша. Ислам діні достық, бейбіт дін болса, оған апаратын жолдар да дәл сондай болмақ.

Осы орайда Қарағанды облысының өкіл имамы Өмірзақ қажы Бекқожа  Қарағанды қаласының епископы (шіркеу өкілі)  Дель`Оро Аделио мен кездесіп, айтулы мерекелерімен құттықтап, өзінің жылы лебізін білдірді.

Жаһандану заманында халықтардың ынтымақ-бірлікте өмір сүруі өте маңызды. Осы жолда асыл Пайғамбарымыздан (ﷺ) өнеге алу әркімге қажет-ақ. Алла елшісі (ﷺ): «Нағыз мұсылман өзге мұсылмандар оның тілі мен қолынан зиян көрмеген адам»  деген. Абдул Азиз әш-Шами «Пайғамбардың (ﷺ) мұсылман емес адамдармен жасаған мәмілесі» атты кітабында былай дейді: «Мұхаммед (ﷺ) отыздан астам хадисінде сахабаларына (татулықта) уәделескен өзге дін өкілдерінің құқықтарының сақталуы жайында қатаң тапсырды.

Бүгінде 130-дан астам ұлт пен ұлыс өкілдері «Қазақстан» атты бір шаңырақ астында ынтымақ пен бірлікте өмір сүріп жатқандығы осындай дінаралық татулықтың үйлесім тауып, ұлтаралық қатынастың орныққандығының айқын дәлелі.

Пікірлер

Поле не должно быть пустым!
Комментарий отправлен на модерацию.
    бас мүфти блогы бас мүфти блогы

    Күнтізбе

    Жоғары