ҚМДБ-ның Қарағанды облысы бойынша «Әйел-қыздар» секторының ұйымдастыруымен «Берекелі айға бастау» атты жамағатқа арналған семинар болып өтті.

Шараға сектордың жауапты меңгерушісі Бақытгүл Айтқалиқызы бастаған ұстаздар қауымы қатысты. Атап айтқанда, облыстық «Әнет баба» мешітінің ұстаздары Арай Серғалиқызы,  Жадыра Асылтайқызы, «Қазыбек би» мешітінің ұстазы Карина Қайратқызы және «Төлеутай ата» мешітінің ұстазы Фатима Аманболдықызы қатысып, рамазан айына дайындық жүргізу аясында пайдалы насихат жүргізді. «Рамазанға рухани дайындық», «Нәпіл құлшылықтардың артықшылығы» тақырыптары бойынша уағыз айтылды. Сонымен қатар, семинарға жиналған әйелдер қауымының көкейкесті сұрақтарына ұстаздар тұшымды жауап берді.

Қарағанды облысы бойынша баспасөз қызметі