«Әйел қыздар» секторының ұйымдастыруымен Қарағанды облыстық «Әнет баба» мешітінде алғыс айту күніне орай ақ жаулықты әжелерге берекелі дастархан жайылып, Құран хатым дұғасы жасалды.

Облыс бас имамының бастамасымен өткен шара барысында «Әнет баба» мешітінің ұстаздары Арай Серғалиқызы және Жадыра Асылтайқызы әйелдер жамағатына берекелі шағбан айының қадір қасиеті жайында уағыз-насихат айтты. Сондай-ақ, алда келе жатқан он екі айдың сұлтаны рамазан айына дайындық жайында әжелер қауымының тарапынан туындаған сұрақтарға жауап берілді.

Отырыс барысында қасиетті Құран оқылып, хатым дұғасы жасалды. 

ҚМДБ-ның Қарағанды облысы бойынша баспасөз қызметі