Тілдік нұсқа
Радио

Фото

«ӘНЕТ БАБА» МЕШІТІ ҚАДІР ТҮНІН ҚАРСЫ АЛДЫ
28 сәуір, 2022 жыл 155 Басып шығару нұсқасы

Барлық мақтау күллі әлемдердің Раббысы Аллаға тән!
Барша мұсылман қауымының көз қуанышы, раухани азығы мен байлығы. Ұлық мерекесі қасиетті Рамазан айының да аяқталуына санаулы күндер қалып, мың айдан да қайырлы  деп саналған Қадір түніне де жеттік! Рамазан айының соңғы он күніне жасырынған қасиетті түнді бүгін Қарағанды облыстық «Әнет баба» мешіті жоғары деңгейде қарсы алды. 
Бұл түннің салмағы мың айдан да қайырлы. Бұл хақында Құранда: «Қадір түні мың айдан да қайырлы», «Қәдір» сүресі, 3-аят - деп баяндалады.
Жылына бір рет Рамазан айында келетін қасиетті қадір түні Қарағанды облыстық «Әнет баба» мешітінде орын шаншыр жер болмады. Облыс өкіл имамы Өмірзақ қажы Бекқожа барша мұсылман қауымын Қадір түнімен құттықтап, қасиетті түннің берекеті жайлы уағыз насихатын жеткізді.  Облыстық мешіттегі берекелі шарадан жергілікті БАҚ өкілдері хабар алып, арнайы репортаж дайындады. 
Мұсылман жамағатына ауызашар дастарханы жайылып, барша жамағат қол жайып, қасиетті түні Алла Тағаладан дұға тіледі, Құран оқылды. Құран Кәрім хатым етіліп, барша жамағат тарауық намазын өткізді. Рухани кеш барысында жамағатқа викториналық сұрақтар ұйымдастырылды. Облыс бас имамы бір ай бойы тарауық намазын жоғары деңгейде өткізіп, Құранды хатым еткен екі қариға құрмет танытып, алғысын білдірді. 
Таң рауандап атқанша жалғасқан мешіттегі уағыз-насихат тыңдап, құлшылыққа ден қойған мұсылман қауымы бұл түні егеменді еліміз бен кең байтақ жеріміздің амандығын тілеп, бейбітшілігіміздің баянды болуын сұрады. Сәресі уақытында Алла үйінен 4000 адам ауыз бекітті.
Қарағанды облыстық мешітінің баспасөз қызметі

 

Ihsan.kz

Пікірлер

Поле не должно быть пустым!
Комментарий отправлен на модерацию.
    бас мүфти блогы бас мүфти блогы

    Күнтізбе

    Жоғары