Теміртау:«Қолыңнан келсе қолқабыс бол!»

Ислам діні тазалық мәселесіне ерекше көңіл бөлетінін білеміз. Жаздың шіліңгір ыстығы мен қыстың қақаған аязына қарамай, қаламыздың таза болуын қадағалап, оны абаттандыру, көркейту бағытында қажырлы еңбек етіп жүрген жандар аз емес.

Осы орайда, Теміртау орталық мешіті мен «Sauap» еріктілер орталығы «Қолыңнан келсе, қолғабыс бол» қайырымдылық шарасын ұйымдастырып, «Теміртау тазалық» ЖШС-нің көше тазалықшыларына ыстық тамақ пен шай үлестіріп, көңілдерін бір серпілтіп тастады.

 «Пайғамбарымыз (оған Алланың игілігі мен сәлемі болсын) өзінің бір хадисінде «Тазалық – иманның жартысы» деп айтқан. Сіздер қоғамның игілігі үшін еңбек етіп жатырсыздар. Алла баршаңызға разы болып, еңбектеріңізге береке берсін» деді Теміртау орталық мешітінің бас имамы Естай Айтуғанұлы
#теміртауорталықмешіті

© 2009-2021, Қарағанды облыстық мешіті Сайт материалдарын қолдану үшін