Қарағанды облысының бас имамы Өмірзақ қажы Қазкенұлы «Әнет баба» мешітінде қызмет атқарып жүрген  Дәуренбеков Қанат Тұрпанұлына  және Елнар Дұрыскелдіұлына  дін саласында атқарған белсенді қызметі үшін арнайы ҚМДБ-ның төрағасы, Бас мүфти  Наурызбай қажы Тағанұлының алғыс хатын табыстады.  Облысымызда салынып жатқан мешіт құрылыстарына белсене ат салысып, ғимараттың ішкі-сыртқы жұмыстарымен айналысып, ерен еңбек етіп жүрген қызметкерлерге Өмірзақ қажы Қазкенұлы ерекше алғысын білдірды. Сондай-ақ, дәл осындай Хазреттің арнайы алғыс хаты ҚМДБ-ның «Халал» ЖШС  Қарағанды облысы бойынша өкілі Абдрахманов Ысқақ Рахимбекұлына табысталды. Айта кетейік, биыл Қарағанды облысы бойынша «Халал Даму» бөлімі жылдық көрсеткіш бойынша жоғары бағаға ие болған болатын.  Жыл бойына аймағымыздағы көптеген мекемелерге тексеріс жұмыстарын жүргізіп, біршама асхналалармен мейрамханалардың халал стандарттарына сай қызмет етуін қадағалап, жоғары нәтижеге қол жеткізген маманның алдағы сауапты қызметіне сәттілік тілеп, ризашылығын білдірді.

 ҚМДБ-ның Қарағанды облысыбойынша баспасөз қызметі