Қасиетті шағбан айының қарсаңында иудаизм мен христиан дінінің қос бірдей өкілі Қарағанды облыстық  «Әнет баба» мешітінде Ислам дінін қабылдап, мұсылман атанды.

Хақ діннің ақиқаттығына иланып, мұсылман болмаққа ниет еткен жандарды «Әнет баба» мешітінің наиб имамы Нұржігіт Оразалыұлы қуана қарсы алып, алдымен Ислам діні жайында насихат жүргізді.

Сонымен қатар, дініміздің негізгі тірегі болған бес парыздың мән мағынасын  түсіндіріп, Ислам шарттарын жеткізді. Кәлима шахадат айтып, мұсылман атанған азаматтар көз жастарына ерік беріп, Алла Тағалаға шүкір етті. 

Қарағанды облысы бойынша баспасөз қызметі