Заманауи технологиялардың дамуы, сондай-ақ әлемдік деңгейдегі пандемия жағдайында ҚМДБ тарапынан ақпараттық және қоғаммен байланыс бағытына ерекше көңіл бөлінуде. Осы мәселеге орай Теміртау имамдары бас қосып, ойларымен бөлісті.
 
​Теміртау қаласының бас имамы Естай Айтуғанұлының төрағалығымен өткен жиналысқа жергілікті мешіттердің имамдары, ұстаздары, азаншылары және өзге де қызметкерлері қатысты.
 
​Естай Айтуғанұлы дін қызметкерлерін «Facebook», «Instagram» және т.б. әлеуметтік желілер мен мессенджерлерде белсенді болуға шақырып, «Хикмет ТВ» студиясы мен «Muftyat.kz» сайты тарапынан шығарылып жатқан Бас мүфти Наурызбай қажы Тағанұлының, ҚМДБ-ның бөлім меңгерушілерінің, өңірлердің бас имамдарының, білікті ұстаздар мен РАНТ мүшелерінің онлайн дәрістерін кеңінен насихатталуына және жергілікті жамағатқа жеткізуге үлес қосу мәселелеріне назар аударуды тапсырды.