Қарағанды облысының бас имамы Өмірзақ қажы Қазкенұлы арнайы қызметтік сапар бойынша Абай ауданына ат басын бұрды.  Аймақтағы мешіттің имамы Аманбол Рымқұлұлы  облыс бас имамына мешіттің тыныс-тіршілігін таныстырып, жаңалығымен бөлісті. Ғимараттың ақпарат бұрышының уақытылы ауыстырылып тұруына, тазалық жұмыстарына, кіріс-шығыс құжаттарына және облыс тарапынан беріліп  жатқан тапсырмалардың орындалуына бақылау жұмыстарын жүргізді.  ҚМДБ-ның отыз жылдығына орай «отыз жылда отыз игі іс шара» аясында Абай ауданында көптеген игі ісшаралар мен қайырымдылық шаралары да жүзеге асырылды. Аудан мешітінің тыныс-тіршілігінен хабар алып, бақылау-басқару жұмыстарын жүргізген облыс бас имамы аталмыш мешітке оң бағасын беріп қайтты.

ҚМДБ-ның Қарағанды облысы бойынша баспасөз қызметі