Бүгін ҚМДБ-ның Қарағанды облысы бойынша өкіл имамы Өмірзақ Қазкенұлы Бекқожаның басшылығымен облыстық «Әнет баба» мешітінде діни оңалту тобына арналған облыстық семинар тренинг өтті. Семинар Қазақстан мұсылмандары діни басқармасының діни оңалту бөлімі меңгерушісі Қанат Алшынбаев мырзаның онлайн байланысы арқылы жүргізілді. Жиынға Қарағанды облысына қарасты барлық  аудан және қала имамдары қатысты. Семинарда жат ағым жетегінде кеткен жандармен жұмыс жасау жөнінде әртүрлі мәселелер мен жоспарлар құрылып, талқыға салынды.  Жиналыс барысында Қарағанды облысы бойынша оңалту жұмысын 2013 –жылдан бастап атқарып келген Мұхит Джаримбетов өзінің осы сала бойынша жүктелген қызметін облыстық мешітке жаңадан келген наиб имам Асылхан Нартайұлына табыстады.

ҚМДБ-ның Қарағанды облысы бойынша баспасөз қызметі